FESTIVAL DE TEATRO SEMENTE

Esta Primavera a nossa Semente continua a medrar e neste caso estám a agromar novos brotos cénicos. Germolou o Festival de Teatro Semente que ainda é um broto pequeno mais aguardamos serdes moitas as que venhades gozar dele e que o vindouro ano seja máis frondoso.


Vai ter lugar em Teis, o nosso bairro, em maio, o mês das Letras Galegas. Van ser quatro obras de teatro os dias 5, 10, 11 e 12, no Auditório de Teis. Todas elas de artistas comprometidas com a língua e a cultura galega, e com os valores que defendemos na Semente.
Este festival nom tem fins lucrativos, mais gera umhas despesas que para a nossa modesta economia nom som afrontáveis, assim que pedimos unha contribuiçom por cada entrada (5€ obras de adulta, 4€ obras familiares). A arrecadaçom que supere o investido destinar-se-á ao Festival de Teatro Semente de 2020.
As entradas poder-se-ám apanhar nos estabelecimentos colaboradores que se indicam máis abaixo, ou bem serem solicitadas por e-mail no endereço: sementevigo@sementevigo.gal. Também poder-se-ám adquirir o mesmo dia da obra no Auditório de Teis, a partir dumha hora antes do começo do espetáculo.
Pedimos que fagades toda a difusom possível e que vos animedes, e animedes às pessoas conhecidas a assistirem ao Teatro Semente. E agora… a programaçom. Reparai nos quatro anacos de cultura cénica galega que oferecemos:

 

Domingo, 5 de maio, às 19h
Té con Kant, de Inversa Teatro
Johanna Gottfried e Theodora Krauss som duas mulheres ilustradas chegadas à nossa época numha viagem no tempo desde a Prússia do século XVIII. Umha vez aqui tentarám exercer como agitadoras filosóficas com a pretensom de mexer e promover a reflexom (e açom) do público assistente por volta da problemática moral nos nossos dias, a partir das ideias do seu amigo o filósofo Inmanuel Kant. A última palavra sobre o destino destas personagens dependerá unicamente do público assistente que deverá tomar uma decisom de forma assemblear seguindo o Imperativo Categórico Kantiano. Atreves-te a cavilar connosco?

 

Sexta feira, 10 de maio, às 18:30h
Chungo que te Cagas, de Peter Punk Palhaço
Este foi o espetáculo no que Peter Punk começou a sua andaina como palhaço. Nele perfila a sua personalidade divertida e irreverente que causará o deleite de crianças e adultas, criando um universo próprio no que a linha de trabalho é a diversom, o jogo e umha visom muito pessoal do mundo.
Mostrará a sua destreza (ou nom) com elementos que vam aparecendo da sua mala: bolas, um prato chinês, fachos de lume e o clássico lançamento de torta reinventado no mais puro estilo deste irreverente palhaço internacional.
O seu particular “Chungo que te cagas!” é o “Máis difícil ainda!” do circo clássico. Este é o espetáculo máis universal e versátil, perfeito para qualquer tipo de espaço e público.

Sábado, 11 de maio às 19h
Procura-se Pepa a Loba, d´A Cova das Letras
Teatro feminista ao estilo do far-west, pensado para toda a família. A companhia A Cova das Letras volta recuperar umha figura feminina, desta volta a da mítica bandoleira galega do século XIX, Pepa A Loba. Cristina Collazo leva a cena dum jeito interativo e em forma de contacontos, a sua particular visom da personagem, luitadora, feminista, e consciente das injustiças. A música é de Manuel Payno, cenografia de Luchy Iglesias e fotografia de Pilar Abades.

Domingo, 12 de Maio, às 19h
Uralita, de Iria Pinheiro
O encerramento deste primeiro Festival de Teatro corresponderá à atriz e guionista Iria Pinheiro, galardoada este ano nos Prémios Maria Casares de Teatro como melhor atriz e melhor guiom pola obra “Anatomía dunha Serea”, que denuncia a violência obstétrica que sofrem as mulheres no parto. Porém, nesta ocasiom vai-nos achegar o trabalho “Uralita”, poesia cénica em forma de dublagem em direto que nos vai oferecer umha interpretaçom diferente das imagens projetadas, umha visom crítica da sociedade galega que vai abrir fios de pensamento no nosso interior.

Podes achar as entradas nestes estabelecimentos colaboradores:

Livraria Cartabón
Rua Urzáiz, 125

Patapum (loja de criança respeitosa)
Afonso X O Sábio, 5

Ervanário Sante
Rua Sam Jurjo Badia, 131

Também podedes solicitar entradas a través do e-mail sementevigo@sementevigo.gal