Nome: Faisca.
Âmbito: Lezer, conciliaçom e educaçom em valores.
Telefone: 623 112 411
Correio: faiscagalicia@gmail.com
Facebook: https://www.facebook.com/equipafaisca
Instagram: @equipafaisca

QUEM SOMOS

Olá! Somos umha equipa de amigas que trabalha por um tempo de *lezer educativo*, máis respeitoso, consciente e sustentável com a natureza, da qual entendemos que fazemos parte indissolúvel.

Adoramos trabalhar com todo tipo de pessoas, procurando facilitar atividades, jogos e brinquedos diversos que poidam entusiasmar, motivar e insuflar um ambiente de ledícia, assombro, proximidade e familiaridade.

Atualmente somos três trabalhadoras em ativo: *Rake*, educadora e pedagoga; *Jorge*, mestre de infantil e atualmente estudante para ser mestre da primária; e *Lana*, animadora sociocultural e educadora infantil. Tamém está *Rebe*, umha grande da educaçom artística, que de quando em vez colabora connosco.

Todas somos umhas *apaixonadas da educaçom em valores*, a qual entendemos como umha fantástica ferramenta para sementar umha sociedade máis empática, crítica, justa, transparente, aberta e participativa com todos os que a compomos. Umha sociedade “riquinha”, como dizemos nós coloquialmente.


QUE OFERECEMOS?

Com o servizo de Babás em Galego, estaremos encantadas de *acompanhar as vossas crianças durante o tempo que precisedes*. Proporemos recantos de jogo livre, ofereceremos atividades dirigidas que saiam dos seus interesses e gostos particulares, brincaremos e, principalmente, acompanharemos respeitando as suas emoções e unicidade.

Tratamos às miúdas com o mesmo agarimo que se fossem da nossa família, com muitíssimo *carinho* e, sobretudo, *respeito e empatia*. 🙂

Animades-vos a nos conhecer? 😀