JORNADAS FORMATIVAS NO PARAIXAL

O CEIP Paraixal de Teis organiza umhas novas Jornadas Formativas intituladas transformações das relações e cuidados nas comunidades educativas. Decorrerám os dias 25 de janeiro e 1 e 8 de fevereiro com a participaçom de Mari Fidalgo, María Rosendo e Mar Cendón. Máis informaçom em xornadasparaixal@gmail.com e no número de telefone 609 652 368.

UMHA NOVA SEMENTE EM VIGO?

No 2019 a Semente Vigo continuou a medrar graças a todas as pessoas sócias e colaboradoras que confiades cada dia no projeto. Temos a ledícia de comunicar que para o 2020 tencionamos abrir um segundo local na cidade e isso só é possível porque podemos contar con todas vós. Ficamos muito obrigadas por tornardes real um presente e um futuro em galego para as crianças. Por um 2020 carregado de prosperidade para a nossa terra!

E como os começos som difíceis, deixamos cá a ligaçom da ficha de sócias da Semente da Crunha (na foto) que precisa alargar a sua base associativa para continuar com o projeto. Também podedes tornar-vos sócias da Semente Vigo nesta mesma web.

Medre a Semente!

ASSEMBLEIA GERAL

A Junta Diretiva da associaçom Pró-Escola Semente Vigo convoca todas as sócias e sócios à assembleia geral que decorrerá o sábado 14 às nove no Local Social Faísca, em Rio Mau de Riba (Rua Toledo, 9).

FESTIVAL DA SEMENTE

Este domingo às 18:00 decorrerá no Auditório de Narom a quinta ediçom  do Festival da Semente. Circo e música levarám o protagonismo do espetáculo apresentado pola palhaça Natalia Otero.

A entrada é de balde até os dous anos, de 3€ para crianças de entre tres e doze anos e 8€ a partir dos doze anos.

UMHA MANHÃ A VOGAR

Cada dia gostamos máis do bairro de Teis. Fomos dar um passeio até o clube de remo e descobrimos muitas cousas interessantes. O Moncho convidounos a entrarmos no clube e experimentarmos com as máquinas de remo que há no ginásio.

Observamos onde treinam no Inverno e estamos convidadas a subir na trainha “Piratas da Guía” na Primavera. Soubemos que há muitas máis mulheres e raparigas remeiras ca homens e que no “Clube de Remo Virxe da Guía” tenhem umha cantiga para animar as remadoras.


Foi muito lindo olhar o Moncho a nos amossar com entusiasmo os diferentes tipos de embarcaçons e como é o jeito de remar. Obrigadas!

JANTAR DE OUTONO

Celebramos mais um ano o nosso Jantar de Outono. Aguardamos-vos o sábado 23 de novembro no C.S.Faísca.

Haverá contacontos de Gravata Torla e zona de jogos para as crianças. Partilhai com as vossas amizades e lembrai que é precisa inscriçom prévia em eventos@sementevigo.gal.

RIFA E LOTARIA

Como outros anos estamos a vender lotaria de Natal. As participações nos números 61.009 e 71.874 vam a 5€ ficando 1€ como donativo para as Sementes.

Mais este ano sortearemos em Cedeira o dia 29 (nom o 28 como di na rifa) umha aquarela de Leandro Lamas que ilustrará o livro-disco de Guadi Galego INMERSION. Neste caso a arrecadaçom será na íntegra para as Sementes. Obrigad@s a Leandro e a Guadi.