Regressa o 24 outubro e contará mais um ano com a Patri. Todas as tardes das quartas-feiras de 17:00 a 20:00 abrimos o nosso Brincateis para miúd@s a partir de 2 anos. Precisa de inscriçom prévia em atividades@sementevigo.gal. Compre indicardes o nome da criança, idade, telefone de contato e se sodes sócias da Semente.

Objetivo
Promover o desenvolvimento integral das crianças e criar oportunidades de socializaçom entre iguais, de estimulaçom da imaginaçom e da criatividade. Favorecer o seu desenvolvimento cognitivo, psicomotor e socio-afetivo a través do jogo e propostas lúdicas. Também as relações interpessoais, a autonomia, a expressom e a comunicaçom bem como contribuír na formaçom de hábitos de higiene e ordem.

Ainda estamos a assumir o sucesso de ontem em Narom. Quase 800 pessoas acompanhastes-nos no  Paço da Cultura  dando apoio ao nosso projeto educativo.

Mais umha vez obrigadas a todas por fazê-lo possível: às músicas, às sócias e colaboradoras, ao público, aos técnicos de som do Paço, a PixelinPhoto, a Batiscafo Audiovisual e ao Xurxo Souto.

Só restam quatro dias para o Músicas para a Semente. Queremos um Pazo da Cultura de Narom cheio, e a todas e todos vós apoiando este projeto tam necessário. Nom fiques sem o teu bilhete!

Nos últimos dias, o Recanto do Mar deu para falarmos dos peixes e xurdiu umha dúvida: quais se podem comer?
Hoje algumhas fomos até o mercado do bairro e perguntamos polos nossos peixes favoritos e polo seu preço.

As peixeiras e peixeiros explicárom-nos muitas cousas. Observamos peixes em toros e também nécora e camarom vivo.

A conclusom que tiramos foi que se come todo o que há no mar, menos os mamíferos como o golfinho ou a baleia, tampouco a estrela de mar, nem as tartarugas (exceto nalgum país).

Antes de voltarmos à Semente, decidimos mercarmos bolachas marinheiras para partilharmos amahã com as companheiras na hora da parva.

…………………………………….
N: A nécora come-se?
P: Sim, com certeza. Todo o que vendo é para comer.
N: Ah, bem…
B: E a quanto vai o peixe-sapo?
P: A dez euros o quilo.
B: Queee caaaaro.

O domingo 14 de outubro às 18:00 no Paço da Cultura de Narom terá lugar o festival Músicas para a Semente com a apresentaçom do Xurxo Souto e a participaçom de Caxade, Ses, Quinidiole e Pakolas. Entregar-se-á o prémio Prímula ao Ce Orquestra Pantasma por “Os Fios do Querer”.

A venda de bilhetes continua a bom ritmo, nom o deixes para última hora, nom vaias ficar sem eles. E se nom podes assistir podes colaborar fazendo umha achega na fila zero.

Em poucos dias de setembro figemos muitas cousas interessantes, cada umha ao seu ritmo, cada umha ao seu nível.

Hoje foi um lindo dia de festa com as famílias na nossa Semente 😊
Obrigadas!

A adaptaçom na Semente está a decorrer dumha forma tranquila, acolhedora, com espaço e com abraços. Cada dia descobrimos atividades e experimentamos possibilidades: novas construçons, atividades plásticas, cançons, gaveamos na parede de escalada, descobrimos animais da horta, apanhamos morangos, tomates e pimentos…

Também temos momentos para nos relaxar na rede, escuitar um conto ou sentar a observar. Toda umha emocionante aventura que acaba de começar!

O domingo 14 de outubro às 18:00 no Paço da Cultura de Narom terá lugar o festival Músicas para a Semente com a apresentaçom do Xurxo Souto e a  participaçom de Caxade, Ses, Quinidiole e Pakolas. Entregar-se-á o prémio Prímula ao Ce Orquestra Pantasma por “Os Fios do Querer”.

A tua presença é importante mais também o teu apoio económico para consolidarmos o projeto que este ano enceta o primário em Trasancos e Compostela. Se nom puideres assistir é possível colaborares na fila zero.