Máis um ano começa um novo curso carregado de emoçons, histórias, aventuras e surpresas. Hoje lembramo-nos das colegas máis velhas que emprendem o reto do primário e desejamos-lhes mui feliz aventura.
Amanhã acolhemos crianças novas cheias de energia e frescura para continuarmos a aumentar a nossa família. Cada dia somos máis. Avante Semente!
Amanhã sábado, às 17:00 no parque da Riouxa no bairro de Teis terá lugar umha juntança do movimento Porque me (re)peta. Inspirado no coletivo Porque me peta de Ourense propom-se fornecer espaços de lecer em galego para as crianças e é gerido a través dum grupo de WhatsApp.
Máis informaçom nesta entrevista do Sermos Galiza.
Mais um ano a Semente Vigo colocará banca na feira de coletivos e artesanato do Festival da Poesia do Condado que decorrerá este fim de semana na fortaleza de Salvaterra.
Levamos mais de seis anos a promover o ensino galego em Vigo e já vai para quatro que abrimos o projeto educativo de Teis. Neste tempo fórom muitas as pessoas que colaborastes connosco e também muitas, por volta dum cento, as que vos tornastes sócias contribuindo a garantir a viabilidade da Semente Vigo. E ficamos imensamente obrigadas!
Porém, as despesas continuam a superar as receitas e é por isso que encorajamos às pessoas que gostades do projeto a vos associardes. Desde só 5€ por mês podes fazer parte da Semente Vigo. Entra aqui e inscreve-te de forma segura.
Hoje soubemos da prematura morte de Afonso Mendes Souto, filólogo, reintegracionista e incansável luitador em prol da língua. Por iniciativa dele no ano 2015 fomos quem de oferecer o nosso primeiro curso de galego em norma AGAL. Ficamos imensamente agradecidas e unimo-nos à dor da família e amizades.
Continua a decorrer o nosso acampamento de Verão e ainda é possível reservar vaga para o mês de agosto. É só escrever para atividades@sementevigo.gal ou ligar para o 651 191 352.
Preços e horários aqui.
Já é possível inscrever as crianças de 2 a 8 anos no Acampamento de Verão que decorrerá de 25 de junho a 7 de setembro (agosto e setembro sujeitos ao número de crianças inscritas) em horário de 8h30 a 15h30. Reserva em atividades@sementevigo.gal ou no 651 191 352.
PREÇOS:
1 semana: 100€.
2 semanas: 160€.
3 semanas: 200€.
1 mês: 240€.
20% de desconto para sócias, desempregadas e crianças irmás.
30% de desconto para as crianças da Semente.
A fume de caroço: para crianças de 1 a 8 anos.
Temos umha língua própria: para adultas e crianças de 5 a 8 anos.
Mais isto nom é tudo. Dá umha vista de olhos aqui.
O C.E.I.P. Paraixal de Teis desenvolverá no sábado 25 de maio umhas novas jornadas da língua sob o título A língua importa na casa e na escola.
De manhã e após a apresentaçom da jornada por parte de Mónica Pazos da Mesa e Eduardo Maragoto da Agal, decorrerá umha mesa redonda com a participaçom de Iolanda Veloso (ex-vereadora de Normalizaçom Linguística da Cámara Municipal de Vigo), Manuel Bragado (mestre orientador e ex-diretor de Edicións Xerais), Ana Iglesias (professora de Ciências da Educaçom na Universidade de Vigo) e O Leo (artista multifacetado e professor de galego no IES Fontinhas de Compostela). Em paralelo da Semente Vigo organizaremos jogos tradicionais.
A seguir, convívio com jantar partilhado e música do Leo e Anxo Blas. Para assistir compre anotar-se aqui.
Nesta sexta feriada ficamos convocados pola plataforma Queremos Galego à manifestaçom em prol da língua que partirá ás 12:00 do cruzamento entre a via Norte e a rua Urzaiz.
E à tarde podedes participar no Festival das Letras Galegas que organiza a associaçom As da Indústria no Campo de Coia (parque Garcia Picher) a começar às seis com atividades infantis, a seguir com um obradoiro de baile tradicional e a finalizar na noite com atuações musicais.
Na sexta, 10 de maio, às 18:30 terá lugar no Auditório de Teis o espetáculo Chungo que te cagas de Peter Punk. No sábado 11 de manhã frente ao mercado de Teis participaremos na Festinha dos Maios e às 19:00, outra vez no Auditório, A Cova das Letras apresentará a obra Procura-se Pepa a Loba. No domingo 12 finalizará o I Festival de Teatro Semente com a representaçom de Uralita de Iria Pinheiro. Mais informaçom aqui e nos cartazes a seguir.
Se gostardes do vídeo premei “Gosto” para conseguirmos os votos necessários no concurso #RecomendocheUnLibro. Nesta altura estamos de segundas e o prémio ajudaria-nos muito. O parecer do júri fará-se público o 22 de maio no Festival de Cans.
Obrigadas!
Este domingo 5 de maio, às 19:00 começa o I Festival de Teatro Semente com a obra “Té con Kant”. Decorrerá no Auditório de Teis e o preço das entradas é de 5€ para o público em geral e a possibilidade de retirar umha entrada de balde para as sócias da Semente Vigo.
No sábado 27 de abril decorrerá no CEIP Paraixal de Teis umha nova Jornada de Igualdade centrada desta volta na coeduaçom emocional. Haverá obradoiros, umha atuaçom musical e um jantar partilhado.
