A associaçom

A Associaçom Pró-Escola Semente Vigo nasceu en junho do 2013 pola necessidade dum grupo de pessoas de encontrarem um projeto de qualidade para as suas crianças em Vigo, junto com outras interessadas na língua e no mundo educativo. Nesta altura por volta das noventa pessoas fam parte da associaçom.

Estatutos Pró-Escola Semente Vigo

Se quixeres tornar-te sóci@ enche a ficha, escanea-a ou tira-lhe umha foto e envia para sementevigo@gmail.com. Precisamos duplicarmos o número de sóci@s para o projeto ser viável a longo prazo.

A Semente Vigo quer ser um projeto educativo em galego e de qualidade para a cidade ao jeito da Semente Compostela. E por que? Porque gostamos do que ali se desenvolve; porque partilhamos os seus princípios: coeducaçom, laicidade, assemblearismo, interaçom com a natureza, respeito pola autoregulaçom da criança, integraçom no contexto do seu bairro e da cidade e na nossa língua.

Critérios Novas Sementes

Os Centros de Ensino Galego Semente som umha iniciativa social sem fins de lucro, impulsionada pola Gentalha do Pichel que pretende conformar, junto com outros projetos semelhantes, as bases necessárias para a criaçom da Escola Nacional Galega.

Tomam o nome das Escolas de Ensino Galego criadas a começo do século XX polas Irmandades da Fala, e impulsionadas por Leandro Carré e Ángelo Casal.
Estas somos as pessoas da Associaçom que assinamos o acordo de implantaçom de novas Escolas de Ensino Galego.
grupo

Atividades
No mês de outono de 2013 organizamos as I Jornadas de Educaçom e Língua. Contando com a colaboraçom desinteressada de profissionais como: Séchu Sende, Marta Souto, Anxo Moure, Raúl Piñeiro, Concha Costas, Héctor Canto, Marcos Lopes e Salvador Mourelo. Podedes ver os vídeos gravados por Galiza Contrainfo clicando no cartaz ou na seguinte ligaçom
cartaz1

Querendo oferecer atividades de graça para as crianças na nossa língua alugamos um espaço em Mata Má, no que atuaron desinteressadamente: Irene Silva Xiráldez, O Señor Gravata Torta, Adrian Lorenzo e Lukitas Castro Fernandez, A Banda dos Cueiros, Os Beretes de Chapela e as Pandereteiras do C.s. Lume, Servando Barreiro, Cé Orquestra Pantasma e os Bocaneghras.
cartaz2

Em abril de 2014 celebramos o 1º Festival Infantil em apoio da Semente Vigo. Contamos com as atuações da contacontos Andrea Bayer, do original Pablísimo Contacontos e do concerto de Paco Nogueiras.

Andrea Bayer

Dai em diante organizamos umha cheia de atividades e participamos em vários eventos que podem ser consultadas no histórico de Notícias.

éMundial-2014-27

Em setembro de 2015 abrimos o nosso espaço educativo de manhãs para as famílias sócias. Às tardes e nas manhãs dos sábados temos atividades abertas a todas as faixas etárias.

Crianças semente