O projeto

Os Centros de Ensino Galego Semente som umha iniciativa social sem fins lucrativos, impulsionada inicialmente pola Gentalha do Pichel que pretende conformar, junto com outros projetos semelhantes, as bases necessárias para a criaçom da Escola Nacional Galega.

Tomam o nome das Escolas de Ensino Galego criadas a começo do século XX polas Irmandades da Fala, e impulsionadas por Leandro Carré e Ángelo Casal. Nesta altura estám abertos centros em Compostela, Trasancos, Lugo e Vigo e há vários projetos noutras cidades e vilas da Galiza.

Os Centros de Ensino Galego som espaços de pedagogia transformadora ao serviço dos interesses populares. Defendemos para o centro de ensino:

1 Semente

  • Coeducaçom
  • Laicidade
  • Assemblearismo
  • Interaçom com a natureza
  • Respeito pola autoregulaçom da criança
  • Integraçom no contexto do seu bairro e da cidade

A Semente Vigo.

Sob a forma de Centro de Ócio, o nosso projeto fai-se realidade no bairro de Teis, em Vigo. Está situado na rua Doutor Corbal 102, e conta com espaços adequados às idades e com umha horta de máis de 100m².

Canto02 retocada

O centro infantil da Semente é um espaço que favorece o desenvolvimento mental, psicomotor, afetivo e sensorial a través de atividades ludicas-educativas, dinámicas e criativas; potenciando a integraçom social, igualdade de género, a cooperaçom e o conhecimento e respeito com a natureza.

A Semente Vigo está pensada para o periodo de 2 a 6 anos e está organizada por recantos possibilitando umha ampla variedade de jogos livres e atividades programadas que as crianças podem escolher. Temos o recanto da Canto03 retocadalógica-matemática, o da música, o da leitura, o da experiência, o de agochar-se e o do movimento, tornando a Semente Vigo num espaço vivo, alegre, divertido, criativo e acolhedor. Também se pode descansar quando for preciso, respeitando assim os ritmos das nossas crianças.

As atividades que fam parte da programaçom da Semente Vigo som, entre outras: jogos cooperativos, obradoiros de circo, reciclagem, monicreques, atividades na horta, filmes infantís e contacontos. As atividades da nossa programaçom estám adequadas à faixa etária.

Mais informaçom:

Princípios pedagógicos: http://issuu.com/gentalha/docs/principios_pedagogicos

O dia a dia: http://issuu.com/gentalha/docs/o_nosso_dia_a_dia

Guia sociolingüística para mães e pais : http://issuu.com/gentalha/docs/interior