CONTINUA A CAMPANHA DE MICROMECENATO

43% do objetivo mínimo conseguido nos dez primeiros dias da campanha de angariaçom de fundos Vamos polo Primário! de Semente Trasancos. Nesta ligaçom podes colaborar e receber interessantes recompensas.

Mónica e Sergi desde Barcelona com o projeto #VamosPoloPrimário

Obrigadas a Mónica Fernández e Sergi polo seu apoio desde os Països Cataláns. Umha aperta enorme para o Paulo! #Objetivo35000 #VamosPoloPrimário

Publicada por Semente Trasancos en Martes, 13 de noviembre de 2018

Leandro Lamas também apoia à Semente Trasancos

O polifacético trasanquês Leandro Lamas pinta-nos umha realidade, a grave situaçom da nossa língua entre as crianças. Só projetos, como as escolas de ensino galego Semente, que apostem claramente pola imersom lingüística poderám mudar esta situaçom. De aí a importáncia de apoiar esta campanha para levar avante a Primária na nossa Comarca. #VamosPoloPrimário #Objetivo35000https://gl.goteo.org/project/vamos-a-por-primario

Publicada por Semente Trasancos en Martes, 13 de noviembre de 2018

CAMPANHA DE ANGARIAÇOM DE FUNDOS EM TRASANCOS

Encetou a campanha de angariaçom de fundos na plataforma Goteo para conseguirmos no mínimo 35.000€ que é parte do dinheiro necessário para mercarmos o local que a Semente de Trasancos precisa para desenvolver o Primário. Convidamos-te a colaborar em troca de interessantes recompensas.

Somos a iniciativa comunitária que está a criar centros de imersom lingüística na Galiza, para garantir que as nossas crianças podam crescer na nossa língua, em liberdade e com atençom aos próprios processos de aprendizagem. Em Trasancos levam funcionando três anos e na atualidade tenhem 20 crianças que assistem ao espaço diário.

 
Depois de termos criado, nos últimos anos, 5 escolas de Educaçom Infantil na Galiza (Lugo, Compostela-2-, Trasancos e Vigo), e 1 de Primário em Compostela, agora trabalhamos para impulsionar Primário na Comarca de Trasancos.

Neste novo reto, precisamos de muito apoio económico e social, para podermos manter os espaços e o pessoal necessário. No caso de Trasancos, o objetivo é comprarmos um espaço já adaptado para começarmos o Primário, situado no concelho de Neda (zona de antigos moinhos do Rio Belelhe) com umha ampla zona exterior a carom do rio.

É um prédio de dous andares já pronto para começarmos a atividade e um terreno com umha extensom de 5.000m2, muito bem situado, na comarca de Trasancos. O movimento social contaria com o primeiro local em propriedade.

Estamos a tramitar o financiamento a través da cooperativa COOP57, que dispom dumha secçom para financiar a adquisiçom de locais a entidades com fins sociais. Solicitaremos umha percentagem do valor do prédio e o que resta assumiremo-lo com recursos próprios e com esta campanha crowdfunding em Goteo.org.

O BOLO

Esfolhar, debulhar, moer, peneirar, esperar que medre a massa mãe, misturar, amassar, esperar que o pam levede, cozer e papar o bolo de milho.
Muitos dias de trabalho!

CABAÇOS

#Cabaços

Publicada por Semente Vigo en Domingo, 28 de octubre de 2018

VOLTA BRINCATEIS

Regressa o 24 outubro e contará mais um ano com a Patri. Todas as tardes das quartas-feiras de 17:00 a 20:00 abrimos o nosso Brincateis para miúd@s a partir de 3 anos. Precisa de inscriçom prévia em atividades@sementevigo.gal. Compre indicardes o nome da criança, idade, telefone de contato e se sodes sócias da Semente.

Objetivo
Promover o desenvolvimento integral das crianças e criar oportunidades de socializaçom entre iguais, de estimulaçom da imaginaçom e da criatividade. Favorecer o seu desenvolvimento cognitivo, psicomotor e socio-afetivo a través do jogo e propostas lúdicas. Também as relações interpessoais, a autonomia, a expressom e a comunicaçom bem como contribuír na formaçom de hábitos de higiene e ordem.

OUTONO NO MONTE DA GUIA

#outono#MonteDaGuia#ouriçosQuePicam

Publicada por Semente Vigo en Miércoles, 10 de octubre de 2018

OBRIGADAS!

Ainda estamos a assumir o sucesso de ontem em Narom. Quase 800 pessoas acompanhastes-nos no  Paço da Cultura  dando apoio ao nosso projeto educativo.

Mais umha vez obrigadas a todas por fazê-lo possível: às músicas, às sócias e colaboradoras, ao público, aos técnicos de som do Paço, a PixelinPhoto, a Batiscafo Audiovisual e ao Xurxo Souto.

E CHEGOU O DIA

CAXADE tem algo que dizer-vos 😍 #chegouODia #MúsicasParaASemente

Publicada por Semente Trasancos en Domingo, 14 de octubre de 2018

HOJE ESTIVEMOS A VINDIMAR

#Vindima

Publicada por Semente Vigo en Viernes, 5 de octubre de 2018

VISITAMOS O MERCADO DE TEIS

Nos últimos dias, o Recanto do Mar deu para falarmos dos peixes e xurdiu umha dúvida: quais se podem comer?
Hoje algumhas fomos até o mercado do bairro e perguntamos polos nossos peixes favoritos e polo seu preço.


As peixeiras e peixeiros explicárom-nos muitas cousas. Observamos peixes em toros e também nécora e camarom vivo.


A conclusom que tiramos foi que se come todo o que há no mar, menos os mamíferos como o golfinho ou a baleia, tampouco a estrela de mar, nem as tartarugas (exceto nalgum país).


Antes de voltarmos à Semente, decidimos mercarmos bolachas marinheiras para partilharmos amahã com as companheiras na hora da parva.


…………………………………….
N: A nécora come-se?
P: Sim, com certeza. Todo o que vendo é para comer.
N: Ah, bem…
B: E a quanto vai o peixe-sapo?
P: A dez euros o quilo.
B: Queee caaaaro.